ინდუსთა ქორწილი... (2)

...ცოტა ხანში ქალის/დედოფლის გაცემის რიტუალი გაიმართა …მღვდელმა ორივე წყვილის მშობლები მიიპატიჟა საცერემონიო ადგილას… რაღაც ლოცვები წარმოთქვა… შარმილას მამამ (ცალ ხელში ქოქოსით და ბეტელის თხილით) დედოფლის ხელები გადასცა მეფეს.…შარმილას დედამ მეუღლეს ხელებზე წყალი გადაავლო, ნიშნად რომ თვითონაც თანახმაა და სუბრას ოქროს ფული დააკავა.. თავად სუბრამ მონეტა მშობლებს გადასცა.. ( მონეტა სიმბოლურად დედოფალს წარმოადგენს.. რადგან ბიჭის მშობლებმა მონეტა მიიღეს ეს იმას ნიშნავს რომ დედოფალიც მიღებულია…)
ამის მერე სუბრამ საქორწილო კაბა გადასცა დედოფალს..ცოტა ხანში შარმილა გავიდა და ოქროს ფერებში მოქარგულ საქორწილო კაბაში დაბრუნდა.. ის დამავიწყდა რომ მეთქვა რომ არცერთი მხარე არ იღიმის.. პატარძალი სულ კვემოთ იყურება..

მერე დაიწყო კორონაციის ცერემონის პირველი ნაწილი.. ანთებული ცეცხლი შუაში დადგეს...მეფე-დედოფალმა, მეჯვარეებთან ერთად საათის ისრის მიხედვით სამი წრე შემოუარეს ცეცხლს…შვიდი ნაბიჯი ჩრდილოეთის მიმართულებით გადადგეს და სუბრამ დედოფალს მარჯვენა ფეხის მეორე თითზე ვერცხლის ბეჭედი (მინჯი) გაუკეთა. ისევ შემოუარეს სამჯერ ცეცხლს.. და ბეჭედი მეორე ფეხზეც მოარგო.

ამ ყველაფრის მერე იწყება კორონაციის მეორე ნაწილი …ანუ ოქროს თილისმას (კულონის) გადაცემა დედოფლისთვის, რომელიც კანონით დედოფალმა უნდა ატაროს გულთან სიცოცხლის ბოლომდე …მღვდელმა ისევ ლოცვები ჩაატარა…სუბრამ შარმილას თილისმა დაჰკიდა და შუბლზე (წარბებს შორის) თითით წითელი ბინდი (ნიშანი) დაუსვა.. -რაც გათხოვილი ჰინდუ ქალის ნიშანია…

ამ დროს ერთერთმა ნათესავმა ქოქოსი შუაში გახლიჩა ! (როგორც ამიხსნეს უსისხლო მსხვერპლის ნიშნად; ქოქოსის წვენი/წყალი თურმე სიყვარულის ნიშანია...თეთრი გული სიწმინდისა და გახლეჩილი ქოქოსი ეგოიზმის დამარცხების…)

შემდგომ, წყვილმა ყვავილების გირლანდები გაცვალა და მეფემ დედოფალი მარცხენა მხარეს მოისვა….ცოტა ხანში ყველა სუფრასთან მიგვიპატიჟეს სადაც ექვსი სრულიად განსხვავებული გემოს* კერძი მოგვართვეს... დასალევი კი მხოლოდ მირინდა და იმბირის ლუდი (რომელიც არ გათრობს) იყო..

ორზე უკვე სახლში ვიყავი…

http://levanpix.multiply.com/photos/album/23

*თურმე ადამიანი მხოლოდ ექვს გემოს არჩევს..

გუშინ, მანქანა ავიყვანე ცოტა ქალაქს ვისწავლი მეთქი...რომ შემოგვიტიონ ის მაინც ვიცოდე რომელ მხარეს გავიქცეთქო.. ფოტო-აპარატიც თან წავიღე სურათები რო გადამეღო…

არც ისე დიდი ქალაქია მაგრამ ისეთი ვიწრო ქუჩები და არეული მოძრაობა აქვს რომ ადვილად დაიკარგები ... ოთხი მთავარი ქუჩა დავამუღამე და კარგი რაღაცეები ვნახე გადასაღებად… ჩამოვედი მანქანიდან და ქუჩაში ფეხით გავიარე…
მხოლოდ ერთი კადრის გადაღება შევძელი. ყველგან სამხედროა.. ფოტოაპარატს რამეს დაუმიზნებ თუ არა შენზეც დამიზნებულია…
დავმალე ფოტოაპარატი და გავაგძელე სიარული... ყველა შენ გიყურებს..'' თეთრი ადამიანი ''ქუჩაში!!!... ორმა ქალმა პატარები მოიყვანა ჩემთან, ხელით რო შეეხოთ.... არ ვიცი რისი ნიშანი იყო მაგრამ ის რო მახსენდება რომ კილინოჩის ზოოპარკში დალმაციელი ძაღლი რომ ყავთ, ცოტა ეჭვები დამებადა რატომ მოყავდათ ეს ბავშვები....

გავაგრძელე ჩემი 'გზა'… ვხედავ ვიღაც ტიპი ხელს მიქნევს.. მეც დაუქნიე გამარჯობის ნიშნად.. იმან კიდევ გააგრძელა.. მეც კიდევ დაუქნიე... ვიფიქრე ნამეტანი გაუხარდა ჩემი დანახვა მეთქი...

ვხედავ.. გზის მეორე მხარეს მეპატიჟება...შევხედე...ხელში ლუდის ბოთლი უკავია...მეთქი კარგად ხო არი ეს ტიპი... ‘’800 რუპი’’ მიყვირის... გამიხარდა ...გადავირბინე.. ოთხი ბოთლი ''Lion'' (შრი ლანკაში ყველაფერი ან ლომია ან ვეფხვი) გამეჩითა.. შევევაჭრე და 2800 რუპიათ (27 დოლარი) მომცა.. ჩემს და იმის სიხარულს საზღვარი არ ქონდა...

სასწრაფოთ უკან მანქანაში !!!

ვხედავ მეორე ტიპი მომსდევს რაღაც ტომრით ხელში... უკვე ვიყიდე და არ მინდა მეთქი ვაჩვენებ ხელით .... არ მომეშვა...

ვაჩვენე აგერ მაქვს მეთქი .. იმან კიდევ თავისი ტომრის გახსნა დაიწყო.... ვხედავ ტომარაში სამი უზარმაზარი ლანგუსტი (კიბო) აქვს... ''მაგარი არიო...ვეფხვ-ლანგუსტი არიო და ძალაინ იაფათო'''

მოკლედ, სამი თითო კილოიანი ვეფხვ-კიბო (!) ვიყიდე ცხრა დოლარად...

მანქანასთან ტიპმა ფასი შემეკითხა.. ექვსად ვიყიდე მეთქი.. დილით ადრე რო მოსულიყავი ოთხ დოლარად იშოვიდიო... მთელი კაიფი დამეკარგა...

... და ესე ვიყავი მთელი ერთი საათი სანამ ლუდი არ გაცივდა და კიბო არ მოიხარშა …

დღის ფოტო...

ჯაფნა ... ბიჭები ფრენბურთს თამაშობენ ერთ ერთი სახლის ნანგრევებში..

ფოტო: Sintezo ©

Quote of the day...

შოტლანდიის ბოლო მეფე... ამ ფილმს თუ არ ხართ ნაყურები აუცილებლად უყურეთ....

70-იანი წლები ...უგანდა... იდი ამინის დიქტატურა... ფორესტ ვიტაკერი კი განუმეორებელი იდი ამინია...

ერთ-ერთი საუბარი ფილმიდან:

''ნიკოლას... არსებობს რამე კარგი, შენი გაკეთებული??? აფრიკაში ჩამოხვედი თეთრი კაცი რო გეთამაშა! მაგრამ ჩვენ არ ვართ სათამაშო... ჩვენ ნამდვილები ვართ... ეს ოთახი ნამდვილია... ალბათ შენი სიკვდილი პირველი იქნება რაც ოდესმე ნამდვილი დაგემართება...''

ზღვის ვეფხვები უტევენ დელფტის კუნძულს....

ამ დილით ფარშავანგების ყივილმა გამაღვიძა... დილით ადრე ისე ყივიან, დაგაყრუებენ... ბალიში თავზე დავიდევი და გავაგრძელე ძილი... არ ვიცი რამდენი ხანი მეძინა მაგრამ მგონი ძალიან მალე კატუშის სროლამ გამაღვიძა... სამი ორმოციანი მანქანა დაცალეს სადგაც ოც წუთში და მერე თითო თითო ჭურვის სროლით გააგრძელეს მომდევნო ერთი საათი... წინა დღეებშიც ისროდნენ მაგრამ მაშინ მხოლოდ გამავალი ჭურვის ხმა ისმოდა, ამ დილით კი გასროლის და აფეთქების, რას იმას ნიშნავს რომ ბრძოლები ახლოს იყო ....სადღაც შორს ავტომატების ხმაც გაისმოდა... მაგრამ რადგან უკვე მივეჩვიე ასეთ ხმაურს ძილი გავაგრძელე... შვიდზე, sms მოვიდა ჩვენი უშიშროების სამსახურიდან...15-მა ზღვის ვეფხვების (ესეთებიც ყავს თამილთა ვეფხვებს ) ნავმა ''დელფტის'' კუნძულს შეუტია და ბრძოლები მიდისო... ჯაფნაში კომენდანტის საათი გამოცხადდა 18-5 საათამდეო...

ამასობაში მეორე sms მოვიდა.. კოლომბოში ძლიერი აფეთქება მოხვდა და თავი მოარიდეთ ქალაქის ამა და ამ უბნებსო...

როგორც ხედავთ შრი ლანკა ნელ ნელა სისხლში იძირება...

პირველი დღე ჯაფნაში...

გუშინ ჩამოვფრინდი ჯაფნაში (რუკაზე: ნახევარკუნძული ყვითელ ფერებში, წითელს ზედა ნაწილი) მთავრობის კონტროლირებად თამილთა დასახლებულ ჩრდილოეთში*…სამხედრო ბაზიდან წამოვედი და სამხედრო აეროპორტში ჩამოვფრინდი.. ორივე აეროპორტში სათანადოდ გაგვჩხრიკეს.. სურათის გადაღება მთხოვეს..და რაც საეჭვოდ მიაჩნდათ ყველაფერი ჩამომართვეს…დაწყებული დასალევით…არა და ჟაფნაში დასალევი და საჭმელი არ იშოვება.. მთავრობა ერთგვარ ბლოკადას უწყობს აქაურ თამილებს რათა თამილთა ვეფხვების მხარდაჭერა შეწყვიტონ..

ჩამოვფრინდი ჟაფნაში თუ არა სასწრაფოთ გაზეთებით შეფუთულ ფანჯრებიან ავტობუსში ჩაგვსვეს ყველა ერთად და ბაზის გარეთ გაგვიყვანეს რათა არ დაგვენახა შიგ ბაზაში რა ხდებოდა...ბაზიდან გახვალ თუ არა ჯრუანტელი გაგივლის ტანში.. აბსოლუტურად ყველაფერი განადგურებულია…

მოსახლეობა ვინც ახლოს ცხოვრობდა ან მოკლული ან გახიზნულია და მათ სახლებში ან ბალახია ამოსული ან სამხედროები ბანაკობენ...

ბაზიდან ქალაქამდე 40 წუთის სავალია მაგრამ სამხედროების გადაადგილებას შევესწარით და ორი საათით ადგილზე გაჩერება მოგვიწია... ყველა კუთხეში სამხედროებია და ნებისმიერ უშნოდ შემჩნეულ საგანს ესვრიან... წუხელ კიდევ, მთელი ღამე ეგრედწოდებული ჰოვიტცერები და ჩეხური წარმოების 122 მმ ‘’RM 70’’ ისროდნენ ჟაფნადან სამხრეთით , ვეფხვების კონტროლირებად ტერიტორიაზე…

სამთავრობო ჯარებს მაგრად ეშინიათ სამხრეთიდან შემოტევის და ხშირად არტილერიის ფეირვერკებით აშინებენ ვეფხვებს…

სამი კვირა დავრჩები აქ… იმედია ‘’სიმშვიდე’’ იქნება და ვეფხვები არ შემოგვიტევენ…

*რაც წითლად არი ყველაფერი ვეფხვებს აქვთ დაკავებული.. ყვითელი ფერებში გამოსახული ადგილები სახიფათო ზონაა/დროის ბომბი რომელსაც მთავრობა აკონტროლებს.. ნარინჯის ფერი მთავრობამ ეხლახან გაწმინდა ვეფხვებისგან მაგრამ ჯერ კიდევ ანკლავები არი დარჩენილი…

ინდუსთა ქორწილი...

ვიფიქრე შაბათს მაინც გამოვიძინებ მეთქი მაგრამ დილის რვის ნახევარზე ტელეფონმა დარეკა.. ‘’ცხრის ნახევარზე გამოგივლით და მზად იყავი… ცხრაზე იქ უნდა ვიყოთო! ’’ იმ წუთას, ის ასტროლოგი რომ მომცა არ ვიცი როგორ გადამირჩებოდა..

ცხრას 15 აკლდა ინდუსების კოვილში (ტაძარი) რო მივედით…კოვილთან სამ სართულიან საქორწილო დარბაზში მიგვიპატიჟეს. შესასვლელთან ორი ახალგაზრდა ქალი დაგვხდა. ერთმა, ვერცხლის ლანგარზე ტკბილეულები მოგვართვა... მეორემ კი სარიტუალო საცხებელები (სანდლის ხისგან დამზადებული ფხვნილი, გამომწვარი ძროხის ნაკელის ფერფლი და სინდურის წითელი ფხვნილი) მოგვაწოდა რომელსაც ყველა სტუმარი იცხობდა შუბლზე…’’ჯერ ეს (ნაკელის ფერფლზე) უნდა წაისვა შუბლის გასწვრივ.. მერე მარჯვენა ხელის შუა თითით წარბებს შორის მამაკაცმა ამ ფხვნილის ნიშანი უნდა დაისვას , ქალმა ამისო'' -მითხრა ქალმა.. დავისვი სანდლის ნიშანი და შევედი დარბაზში…

ყველა ქალი ოქროს ფერებში მორთულ ფერად ფერად სარებში იყო ჩაცმული.. მამაკაცები თეთრ ქვედაბოლოში და პერანგში იყვენ…გარეთ მაგრად ცხელოდა და დარბაზშიც სიცხე სწრაფად იწევდა…ყველა ელოდა ქორწილის დაწყებას…მაგრამ ჯერ 9 საათიც არ იყო…

ზუსტად 9:07, წინასწარ გამოთვლილ დროს ‘თოლანი’, ანუ ბიჭის მეჯვარე/დედოფლის ძმა რამოდენიმე წყვილთან ერთად წავიდნენ მეფეს სახლში.. იქ პატარა ცერემონიით მეფეს თურმე თავზე ტურბანი დაახურეს და საქორწილო დარბაზისკენ მოიპატიჟეს..

ქორწილი ზუსტად 9:28 საათზე დაიწყო , როდესაც სუბრამ შემოაბიჯა ფეხი საქორწილო დარბაზში (დარბაზი ითვლება ქალის სახლად).. შემოსასვლელთან დედოფლის მოსამსახურე (ამ შემთხვევაში სუბრას და) დახვდა ხელში დაკეცილი საქორწილო სარით (კაბა) და ზედ ოქროს ყელსაბამით.. შარმილას მშობლები კი ყვავილებით შეეგებენ და ზაფრანის ფერის ყვავილების გირლანდები დაჰკიდეს სიძეს…

მერე თოლანი მოვიდა ვერცხლის ტაშტით და სუბრას ფეხები დაუბანა ნიშნად იმისა რომ ის არი ყველაზე საპატივცემლო სტუმარი... სუბრამ მადლობის ნიშნად მეჯვარეს ბეჭედი აჩუქა

ცოტა ხანში ორი ახალგაზრდა ქალი მოვიდა ხელში ცეცხლით და ეშმაკის განდევნის ცეკვა შეასრულეს... ეს ყველაფერი შემოსასვლელთან ხდებოდა..

ამ ყველაფრის მერე დოლის და საყვირის მუსიკის თანხლებით სუბრა მეჯვარემ და გოგოს მშობლებმა ყვავილებით მორთულ სეპამდე/ტახტამდე მიაცილეს… სუბრა ტახტზე ჩამოჯდა.. მეჯვარეც გვერდზე მიუჯდა… 15 წუთი ესე ველოდებოდი სანამ დედოფალი გამოჩნდა..

გამოთვლილ დროს (წამებსაც აკვირდებოდნენ მგონი) მღვდელმა წმინდა წყალი იქეთ აქეთ

შეშხეფა საცერემონიო ადგილას რათა განეცმინდა ადგილი და განეშას წინაშე ლოცვა დაიცყო...დაამთავრა ლოცვა თუ არა მღვდელმა ბალახისგან დამზადებული ორი ერთმანეთს გადაბმული ბეჭედი გაუკეთა სუბრას თითებზე და ზაფრანის სარტყელი წელზე შემოკრა.. მერე სამი გათხოვილი ქალი მოიპატიჟა და 9 ცალი ბრინჯის დათესვის ცერემონია (9 ცალი ბრინჯი = 9 პლანეტა ) შეასრულებინა რათა უზრუნველყონ ამ წყვილის ნაყოფიერება…

ამის მერე შარმილა ყვავილებიანი გოგოების თანხლებით მიიწვიეს სარიტუალო ადგილას ...იგივე ბალახის ბეჭედი… იგივე სარტყელი…და შემდგომ მეფეს მარჯვნივ დასვეს.

ცერემონიის ამ ნაწილის დამთავრების მერე წმინდა ცეცხლი დაანთეს ‘’ აგნი-ს’’ -ცეცხლის ღვთაების მოსაპატიჟებლად რათა მოწმე იყოს ამ ქორწილისა...

ამაზე გავჩერდები... გაგრძელება იქნება...

ქორწილი 9:28 საათზე...

ამ დილით დაახლოებით ასეთი შემადგენლობის საქორწილო მოსაწვევი დამხვდა სამსახურში:

''ბატონი და ქალბატონი ტიაგარაჯაჰ და ბატონი და ქალბატონი სრისკანდარაჯაჰ გულთბილათ გეპატიჟებით ჩვენი შვილების სუბრამანიამისა და შარმილას ქორწილში რომელიც გაიმართება 19 მაისს, დილის 9:28 (!) საათიდან 11:10 საათამდე, დეჰიველა ნედუმალ სრი ვიშნუ მუურტი დევასტანამის საქორწილო დარბაზში და შემდგომ გელით საქორწილო სადილზე''

ქორწილის დასაწყისი, 9:28 საათზე თურმე ასტროლოგთა გამოთვლით არი ყველაზე ხელსაყრელი დრო ამ წყვილისთვის…ეს დრო რომ დაადგინონ ასტროლოგმა უნდა იცოდეს მეფე-დედოფლის დაბადების ზუსტი დღე, საათი და წუთი...

ეს არაფერი.. ის თქვით თუ ესე აქვთ გამოთვლილი პირველი ღამის დროც და შეიძლება ბავშვის ჩასახვის ხელსაყრელი პერიოდიც... :)))

ეს სპილოსთავიანი ღვთაება განეშა კი მოსაწვევის გარე ყდაზე იყო დახატული…განეშა არი ერთ ერთი ყველაზე ცნობილი და საყვარელი ღვთაება ინდუიზმში. განეშას თაყვანისცემენ როგორც ყველაფრის დასაწყისის ღმერთს ...

საჰაერო თავდაცვის გეგმა..

რადგან მთავრობამ ჯერ კიდევ ვერ შეიმუშავა საჰაერო თავდაცვის გეგმა, ხალხი ასეთი იუმორით იმშვიდებს თავს!


სურათზე: კოლომბოს ცენტრი..კინგ კონგი ძველი პარლამენტის სახურავზე...

კოლომბო ღამით...

უკანა ხედში, მსოფლიო სავაჭრო ცენტრი....

ფოტო: სებასტიან პოსინგის

კარუნას ჯგუფში განხეთქილებაა..

მთავრობის მომხრე კარუნას მებრძოლთა ჯგუფში განხეთქილება მოხდა. როგორც ამბობენ, კარუნამ და თავისმა მოადგილემ პილაიანმა ფული ვერ გაიყვეს.. პილაიანი, 150 მებრძოლთან ერთად გაქცეულია ბატიკალოადან ტრინკომალეში.. თავის დროზე (2003) კარუნას იგივე ხასიათის კონფლიქტი მოუვიდა პრაბაკარანთან და ძლივს დააღწია დიდ ვეფხვის რისხვას თავი .. კარუნამ ქვეყნის აღმოსავლეთში შექმნა ახალი, ნაკლებად რადიკალური დაჯგუფება- თამილეელა ხალხთა განთავისუფლების ვეფხვები, რომელსაც მერე კარუნას დაჯგუფება დაერქვა... იმის მერე, კარუნა პრაბაკარანის სამიზნედ გახდა და დიდ ხანს იმალებოდა..

მხოლოდ მაჰინდას პრეზიდენტად არჩევის მერე კარუნა ღიად მთავრობის მხარეს გადავიდა... ბოლო ხანებში კი გაძლიერდა ქვეყნის აღმოსავლეთში...მთავრობას ეს ბევრად არ მოსწონდა და აი შედეგი.. როგორც იტყვიან... დაყავი და იბატონე!

PS. პილაიანის ჯგუფი მარტო ვერ გაძლებს...ისევ ნამდვილ ვეფხვებად გახდებიან? ვინ იცის? ამ ამბავს საინტერესო განვითარება მოელის …

მოხიტო თუ ჩეფირი?

ალბათ უსამართლო იქნება შრი ლანკაში, ჩაის ქვეყანაში მოხიტოზე ლაპარაკი და ჩეფირის დავიწყება... ჩეფირს ბევრი ფსიქონავტი უკეთ ხასიათზე მოყავს ვიდრე სხვა ნებისმიერ დასალევს თუ მისაყოლებელს. ნამდვილად არ ვიცი ვინ აღმოაჩინა ჩეფირის რეცეპტი მაგრამ ჩაი როგორც მითი დადის აღმოუჩენია ჩინელ იმპერატორს. ერთ მშვენიერ დღეს ხის ქვეშ მჯდომარე იმპერატორი ცხელ წყალს მიირთმევდა...ამოვარდა ქარი და რამოდენიმე ფოთოლო ჩაუგდო ფინჯანში. ცოტა ხანში წყალი გამუქდა და სურნელოვანი გახდა... გასინჯა იმპერატორმა წყალი (მაშინ ჯერ კიდევ წყალი) და მაგრად გაუსწორდა გემოც და ეფექტიც...ასე გაჩნდა ჩაი!!!

თუმცა... ჩაის სრული ეფექტი მხოლოდ საბჭოთა ხალხმა აღმოაჩინა...და არა ინდურ და ჩინურ ჩაიში არამედ ქართულში...ზუსტად ქართულ ჩაი გახდა ჩეფირის მოყვარულთა ფავორიტი... ქართულ ჩაის დიდი დოზით გააჩნია ის წყალში ხსნადი ალკალოიდები (ტეობრომინი და ტეოფილინი) რომლების ასე საჭიროა კარგი ჩეფირისთვის..ასევე მაღალი რაოდენობით აქვს გლუტამინის მჯავა რომელიც ხელს უწყობს გაღატაკებული ნერვული სისტემის აღდგენას...

აი რეცეპტიც!!! მეგობარმა (ყოფილმა ფსიქონავტმა) გამანდო... ნუ გასინჯავთ..შეინახეთ როგორც კულინარიის და ფსიქონავტიკის რეცეპტების შედევრი..

გვჭირდება: 100 გრამი შავი ქართული ჩაი და 250 მლ წყალი..

აადუღეთ წყალი. ჩაყარეთ ჩაი (ყველა). დაელოდეთ სანამ დაჯდება. მერე კიდევ ერთხელ გააცხელეთ.. უნდა მიიღოთ სქელი სითხე.. ჩეფირი მზადაა.. იმათ კი ვისაც მაინც და მაინც მოუნდებათ გასინჯვა, თავიდან მხოლოდ 20 მლ მიიღეთ. გაფრთხილებთ: გული აგიჩქარდებათ და ცუდი ოტხოდნიაკი გექნებათ...

ხო.. შრი ლანკის (ცეილონის) ჩაიზე მოგვიანებით მოგიყვებით...

მიგ-29 ''ზლინის'' წინააღმდეგ?

როგორც ჭორები დადიან, შრი ლანკის მთავრობა სასწრაფოდ რუსეთისგან ყიდულობს ორ მიგ-29 თამილთა ავიაციასთან შესარკინებლად... ეს კიდევ ერთი კარგად გათვლილი მთავრობის ხაზნის გაკოტრებაა..

შედარებისთვის: ზლინის ფასი დაახლოებით 300,000 დოლარამდეა, მიგის კი 15 მილიონამდე... თამილთა ''ზლინი'' 260 კმ/ს სიჩქარით დაფრინავს, მიგ-29 კიდევ 2600კმ/ს ანვითარებს...სატირალია!!!

Quote of the day...

დღეს მერამდენედ უყურე ''ფიდლერს სახურავზე''... მხოლოდ დღეს დავაკვირდი ამ სიტყვებს...

''...მდიდრებს რომ შეეძლოთ სხვების დაქირავება მათ ნაცვლად რომ მოკვდნენ ჩვენ ღარიბებს კარგი ცხოვრება გვექნებოდა...''

ალბათ შეგვევაჭრებოდნენ...

Viva Cuba! Viva Mojito!

რადგან გუშინ შანსი არ იყო სადმე რო გავსულიყავით დასალევად, ერთ ერთმა კენიელმა მეგობარმა Cinco de Mayo ფართი გაჩითა...არ აღმოჩნდა რასაც ველოდით, მაგრამ ხელცარიელი სახლში არ წამოვსულვარ.. წუხელ მოხიტოს (გამოითქმება ''მოჰიი-ტოჰ'' )ჰემინგუეის რეცეპტი თვითონ კუბელმა მანდილოსანმა მასწავლა...

გვჭირდება:

-50 გრამი თეთრი რომი (Havana Club)

-50 გრამი Club soda (ან ჩვეულებრივი გაზიანი წყალი)

-4 ახლად მოკრეფილი პიტნის ფოთოლი,

-1 პიტნის ყლორტი

-2 ჩაის კოვზი შაქარი

-3 ჩაის კოვზი ახლად გამოწურული ლიმნის წვენი

როგორ ვაკეთებთ:
მაღალ ჭიქაში ჩაყარედ ნახევარი ჩანგლით გასრესილი პიტნის ფოთლები. დაუმატეთ შაქარი და ლიმნის წვენი და კარგად აურიეთ. ჭიქა ყინულით აავსეთ..დაამატეთ რომი..კარგად შეურიეთ და ჭიქა აავსეთ კლუბ-სოდათი. მორჩენილი პიტნა ზედ მოაყარეთ... მეექვსე ჭიქა კარგ ხასიათზე მოგიყვანთ!

შრი ლანკა შეწყვიტავს ღამის ავიარეისებს

მომავალი კვირიდან შრი ლანკა შეწყვიტავს ღამის ავიარეისებს ბანდარანიაკეს საერთაშორისო აეროპორტში/დან. ფრენები მხოლოდ დღის საათებში, დილის 4:30 საღამოს 10:30 განხორციელდება რათა შეამცირონ თამილის ვეფხვების ავიაციის ღამის საათებში დაბომბვის ალბათობა. ჰონგ-კონგის Cathay Pacific-მა საერთოდ შეწყვიტა რეისები.ეროვნული და ემირატების ავიახაზები, რომლებიც არიან ძირითადი მგზავრების გადამყვანები იფრენენ მხოლოდ დღის საათებში. ამ ცვლილებებმა შესაძლოა ბილეთების ფასი გააძვიროს თუმცა ნაკლები ტურისტის ხარჯზე ალბათ არ შეიცვლება...საქართველოდან შრი ლანკაში დუბაის გავლით მიმავალ მგზავრებს ცოტაოდენი დისკომფორტი შეექმნებად ამ ცვლილებებთან დაკავშირებით..მათ მოუწევთ მინიმუმ 9 საათის ლოდინი დუბაის აერპორტში...

7 მშრალი დღე ...

ძნელია, როცა ერთი კვირის განმავლობაში დასალევს ვერსად დალევ და იყიდი...რაც საქართველოდან წამოვედი იმის მერე ნაკლებად ვსვამ მაგრამ პარასკევს საღამოდან დაწყებული კვირის ჩათვლით აუცილებელი და სავალდებულო წესია მეგობრებთან ერთად ბარების რეიდი...

1-7 მაისი, მაჰინდამ შრი ლანკა ლეგალურად მშრალ ქვეყნად გამოაცხადა..

ამ დღეებში, შრი ლანკა ვესაკს (ყველაზე წმინდა დრო ბუდისტურ კალენდარში) ზეიმობდა. სახელი სინჰალური ენიდან მოდის და ინდურ კალენდარში მეორე თვეს ქვია. ვესაკის ზუსტი თარიღი ასტროლოგიური კალენდრის მიხედვით დგინდება და კუროს სავსემთვარებოას ემთხვევა..

ამ დგეს აღინიშნება ბუდას დაბადების, ნირვანაში გადასვლის და მიძინების დღე...

მთელი ქალაქი ხელნაკეთი ფარნებით არი მორთული და ყველა ღვთისმოსავი ბუდისტი და მიმდევარი თეთრ ტანისამოსში გამოწყობილი ტაძარში მიდის რათა ქებით ადიდონ წმინდა სამების მშვენება: ბუდა, დჰარმა (მისი მოძღვრობა) და სანგჰა (მისი მოციქულები)

ყველას, ვინც კი ტაძარში მიდის მიაქვს ყვავილები, სანთლები და ''ინსენსები'' ბუდას ფეხებთან. ეს სიმბოლური ბოდძება იმის მანიშნებელია რომ ჩვენი სიცოცხლე ისეთ მოკლე დროში დაილევა როგორ დროში დაჭკნება მიტანილი ყვავილები და დაიწვება სანთლები.

გასაკვირი ის არის რომ, ეს თუ ესმით მაშინ რაღა დალევას გრძალავენ?

P. S. სხვათაშორის ამ დღეებში ყველა საქონლის სასაკლაო იხურება და ხორცსაც ვერსად იყიდი. ასე რომ, არჩევანი მხოლოდ ბრინჯსა და ვეგეტარიანულ საჭმელებზე რჩება...

მრავალ ვესაკს დაესწარით!

წყალდიდობა...

სამწუხაროთ ინდუსების ლოცვა-ვედრებამ ძლიერი წვიმები მოიტანა ქვეყნის დასავლეთში. 36 საათია გადაუღებლად წვიმს. წყალდიდობამ უკვე 9 ადამიანი იმსხვერპლა, მათ შორის ერთი ჩემი ნაცნობი გოგონა რომელიც მანქანიდან გადმოსვლისას კანალიზაციის ლუქში ჩავარდა და დაიხრჩო.. ნახევარი ქალაქი დატბორილი და პარალიზებულია...ზოგიერთი ქუჩის ნაწილი წყალს აქვს წაგებული... კიდევ წვიმს. (სურათზე: კოლომბოს ერთ-ერთი მთავარი, გალლის ქუჩა)

მოსავლის ფესტივალი..

ერთ-ერთ პატარა სოფელში, შრი ლანკის ჩრდილოეთში (კოლომბოდან 2 საათის სავალში) ყოველი წლის 1 მაისს ინდუსი ქალები ზეიმობენ მოსავლის და ნაყოფიერების დღესასწაულს.

5,000-მდე ახალგარზდა ქალი იმოსება სარებში. (ყველაზე ძვირფასი ტანისამოსი რაც კი გააჩნიათ)...იკრიბებიან სოფლის კოვილთან (ინდუსების ტაძარი) და თავის ღმერთს სთხოვენ წვიმას (!) და უხვ მოსავალს. საღამოს იწყებენ და დილამდე სალოცავის გარშემო ცეკვავენ და მღერიან.. მეორე დილით ყველა ერთად წყალში (ოკეანეში) შედიან რათა უხვი თევზის ჭერა დაებედოთ... მაგარი სანახაობაა !!! განსაკუთრებით როცა წყლიდან გამოდიან...

თამილის ვეფხვები

თამილის ვეფხვები, სრულად თამილ ეელამის განთავისუფლების ვეფხვები (თეგვ/LTTE) — სამხედრო-პოლიტიკური ორგანიზაცია, რომელიც სეპარატისტულ კამპანიას აწარმოებს შრი-ლანკის მთავრობის წინააღმდეგ 1970-იანი წლებიდან ტრადიციული თამილის რეგიონის შრი-ლანკისგან დამოუკიდებლობის მოსაპოვებლად. თეგვ/LTTE გამოცხადბულია ტერორისტულ ორგანიზაციად 32 ქვეყანაში.
ამათ ნაშრომს მიეკუთვნება ესეთი განქმული საქმეები, როგორიცაა 1991 წელს ინდოეთის პრემიერ-მინისტრ რაჯივ განდის და 1993 წელს შრი ლანკის პრეზიდენტის, რანასინგე პრემადასას მკველობები. ასევე ამათი ნახელარია 1996 წელს ცენტრალური ბანკის აფეთქება (91 მოკლული) და 2001 ივლისში საერთაშორისო/სამხედრო აერპორტში 13 თვითფრინავის განადგურება. ეს მხოლოდ მწირი ჩამონათვალია თეგვ-ის საომარო ისტორიიდან...

თამილთა ავიაცია.. მსოფლიოში პირველი პარტიზანული ავიაცია

საერთოდ წერა არ მიყვარს .. მირჩევნია სურათები გადავიღო და იმით გამოვხატო ჩემი განწყობა.. მაგრამ რადგან ეს ყველაფერი შუა ღამე მოხვდა სურათების გადაღება ვერ მოვახერხე !!! ასე რომ... მოგიყვებით..

ორშაბათს, 29 აპრილს კრიკეტს გვიანობამდე შევრჩი... 2 სრულდებოდა...ძალიან წყნარი ღამე იყო..მთელი კოლომბო ტელევიზორს მისჩერებოდა..შრი ლანკა ფინალში ავსტრალიას ხვდებოდა ...გილკრისტი სასწაულს უჩვენებდა შრი ლანკის გუნდს...მორიგ ოთხ ქულიან ''ბატზე'' მთელი ქალაქი ჩაბნელდა...თითქოს არც უნდა იყოს გასაკვირი ასეთ ღარიბ ქვეყანაში შუქის ჩაქრობა, მაგრამ ასეთ ერისთვის მნიშვნელოვან ღამეს?

მაგარი დაღლილი ვიყავი და გადავწყვიტე დამესვენა.. მაგრამ ოთახში ტემპერატურა ყოველ წუთს მაღლა იწევდა...ვერც კონდიციონერს ჩართავ .. ვერც ვენტილატორს... 10 წუთში ტემპერატურა აიწია 35 C.... ფანჯარის გაღება კიდევ კოღოების მოპატიჯებაა..

უცებ რაგაც ხმაური ატყდა...ორი აფეთქება... სროლები აერში... ტრასერები კველა მხრიდან...გამიკვირდა.. შრი ლანკა დიდი ანგარიშით აგებდა და სასწაული უნდა მომხდარიყო რო რამე შეეცვალა. სასწაული კი მოხდა მაგრამ არა ბარბადოსის სტადიონზე არამედ კოლომბოს ცაში...

თამილების ავიაცია (TAF) რომელიც მხოლოდ ჭორების დონეზე არსებობდა აერში გამოჩნდა. ორმა ნაწილ-ნაწილ ჩანთებით შემოტანილმა და ხელით აწყობილმა ჩეხური გამოშვების ''Zlin 143iLs'' ჩამოაგდო ხელნაკეთი ბომბები ნავთობის ბაზაზე და უსაფრთხოთ დაბრუნდნენ თავის ბაზაში.

მთელი ქალაქი პანიკამ მოიცვა. ყველა სამხედრო და პოლიციელი ვინც კი ქალაქში იყო უმისამართოთ აერში ისროდა. დასაჯდომათ წამოსულ სამგზავრო თვითმფრინავსაც კი ესროლეს.

აბა ვინ იცოდა სად და ვისთვის ესროლად როცა გამის 2 საათზე რაღაც, რომელსაც ვერც ხედავ ბომბავს ქალაქს.

მორიგი მოულოდნელი ფსიქო იერიში ჩაატარეს თამილ ეელამის განთავისუფლების ვეფხვებმა (LTTE) შრი ლანკის მთავრობის წინააგმდეგ... იერიში რომელსაც 70 წლებიდან ვერ აჩერებენ.. შუქი კი იმიტომ გამორთო მთავრობამ რომ ვეფხვებს ქალაქი არ დაენახათ...

იმ ღამეს შრი ლანკამ ფინალიც წააგო...

Painting: Alex Stewart